觀塘一向係潮人至愛嘅美食聚集地，近期唔少火鍋、燒烤放題名店進駐，優惠選擇多到花多眼亂，唔止任食百款新鮮高質食材，仲有多款特色湯底、日/泰式名物、海陸盛宴任你選。
無論你係火鍋迷、肉迷、海鮮迷，或者一班朋友想搵地方聚舊chill住享受美食，以下推介一系列必食放題餐廳，實食得開心又抵，再加唔同時段優惠、限定招待，想搵高CP值同新鮮感嘅你一樣有心水之選！
觀塘放題推介：
燒肉放題
日式放題
火鍋放題
串燒放題
燒肉放題
觀塘放題推介｜1. 佐賀燒肉谷
佐賀燒肉谷絕對係燒肉迷嘅天堂！主打日本九州佐賀縣農場即日空運嘅佐賀和牛，出面極罕遇到咁新鮮高質嘅牛肉。
餐牌有超過140款任食選擇，包括各種肥瘦均勻嘅牛肉、海蝦、生蠔、帆立貝、魷魚等新鮮海產，多到你每次嚟都會有新驚喜。
肉類方面，啲牛肉入口啖啖牛味，食落油花分佈靚，小編大力推介澳洲和牛特上牛肋肉同安格斯牛小排，燒起嚟肉汁滿瀉，啖啖都好滋味！
鍾意海鮮嘅朋友又唔怕失望，蝦、生蠔同帆立貝新鮮彈牙，食到你唔停手。
仲有熟食、沙律前菜、飯同紫菜等自助區，又多選擇又方便，特別係紫菜飯加上獨家調味汁一齊食，真係同燒肉好夾；甜品選擇都唔少，食完燒肉再嚟啲雪糕或者啫喱，完美一餐！
成間店環境新淨夠闊落，無論同朋友定屋企人嚟都好啱，慢慢歎住燒肉、傾下計，感覺一流。
觀塘放題推介：佐賀燒肉谷｜詳情
- 地址：觀塘道418號創紀之城五期(apm)5樓L5-1號舖
- 營業時間：星期一至星期日 11:30–23:00
- 優惠及預訂：按此預訂即享優惠
觀塘美食推介｜低至75折！精選餐廳 / 自助餐｜惹味美食、足料抵食餐廳
觀塘放題推介｜2. 牛角 Buffet
牛角Buffet主打高質日本燒肉放題，以牛肉為重心，並配搭各款內臟、野菜，好多港人同日本旅客都超愛。牛角夠晒專業，燒肉用網爐設計，燒嘅時候多餘脂肪同膽固醇會自然流走，食完滿足又唔怕滯，真係食得開心又健康！
（圖片來源：Openrice）
佢哋提供多款牛肉，肉質鮮嫩、有豐富蛋白質、鐵質同維他命B，唔怪得燒肉會成為一大飲食熱潮。
除咗牛肉之外，仲有雞、豬、羊等多種選擇，再加上海鮮類如帶子、鮮蝦、多春魚、墨魚仔同帆立貝，款式夠晒多元，啱晒一班朋友不同口味。
（圖片來源：Openrice）
牛角另一個特色係醬汁選擇夠多：塩醬、檸檬醬、胡椒塩，仲可以自由配搭不同肉類或者海鮮，海鮮加牛油一齊燒，香味簡直一絕。
全店超過190款食材任你落單，想食咩都唔使客氣，齊齊聚餐玩味十足！
（圖片來源：Openrice）
觀塘放題推介：牛角 Buffet｜詳情
- 地址：協和街33號裕民坊YM² 3樓301號舖
- 營業時間：
- 星期一至星期四 12:00-23:00
- 星期五至日及公眾假期 11:30-23:00
觀塘放題推介｜3. 燒肉の牛太・本陣
本陣真係一間有YAKINIKU靈魂嘅日式燒肉放題店，主張以精細切肉工藝、獨門醬汁同爐火炙烤嘅方式，令每件肉都燒得外焦內嫩、肉香四溢。
佢哋相信燒肉唔只係食物，更係一種文化享受，所以用心將地道YAKINIKU精神帶到香港，食客可以喺度感受到最正宗嘅日式燒肉風味。
（圖片來源：本陣Facebook）
本陣有唔同種類嘅肉類、炸物、熱食、甜品任你落單；
（圖片來源：Openrice）
肉類選擇方面，重點提供日本黑毛和牛，包括西冷扒、牛肋肉、牛脊肉等部位，油脂分布平均、肉質柔軟又濃郁，肉迷一定要試！
除咗牛，豚肉同雞肉都令人驚喜，生熟食細緻入味，無論燒番薯、燒菠蘿定牛油粟米全部都十分推介，滋味豐富。
（圖片來源：本陣Facebook）
食完燒肉仲有雪糕甜品收尾，入口冰涼滿足，幸福感即刻爆燈。如果你係YAKINIKU忠粉，嚟本陣絕對唔會失望！
（圖片來源：本陣Facebook）
觀塘放題推介：燒肉の牛太・本陣｜詳情
- 地址：觀塘觀塘道418號創紀之城五期(apm)4樓23號舖
- 營業時間：星期一至日 12:00-22:30
觀塘放題推介｜ 4. 校長燒肉日韓料理
校長燒肉係觀塘區老字號燒肉放題店，開業超過十年，陪伴唔少人由學生到大人，成班friend黎聚會真係充滿回憶。
餐廳設計分成生冷刺身區、熟食小炒區、炸物區、邊爐配料區同甜品區，加埋超過150款食材、款式夠晒多元，一定滿足到每個口味。
（圖片來源：Openrice）
最抵讚就係一個價錢就食盡刺身、壽司、日韓燒肉、打邊爐、港式點心、中式小炒、糖水甜品等，實在太豐富。熟食同炸物新鮮熱辣，配料齊全，打邊爐都好多自選湯底。
（圖片來源：Openrice）
飲品方面啤酒、汽水都係任飲，方便真係一流，同朋友傾計閒聊之餘又可以大快朵頤，舊時聚會回憶立即湧返晒嚟！
校長燒肉無論聚舊、慶祝或想食好西都係好選擇，歡樂氣氛、款式多、性價比高，食得開心又滿足！
（圖片來源：Openrice）
觀塘放題推介：校長燒肉日韓料理｜詳情
- 地址：開源道68號觀塘廣場15樓B號舖
- 營業時間：星期一至日 11:00-16:00 / 17:00-22:30
日式放題
觀塘放題推介｜1. 極尚大瀛喜日本料理
講到日本料理放題，刺身同壽司絕對係餐桌主角！
呢度新鮮食材真係好吸引，像磯煮凍鮑魚、松葉蟹腳、吞拿魚刺身、三文魚、紋甲墨魚、白蝦，以及特別嘅松露柚子醋拼盤，全部都任你落單，刺身迷嘅你必定食到滿足。
（圖片來源：Openrice）
自助飲品區選擇超過20款，仲有清酒、梅酒同啤酒任飲，無論輕酌還是狂飲都啱晒聚會場合。
（圖片來源：Openrice）
熱食同炸物亦都大有驚喜，金蒜蓉粉絲蒸、珍寶鮮蠔燒、金枕頭燒榴槤等特色美食啖啖都好滋味。
（圖片來源：Openrice）
甜品區同樣精彩！原個椰皇製3.6牛乳燕窩燉蛋白、Häagen-Dazs雪糕任食，個杯細細杯嘅蛋糕甜品，可以一次過試晒全部，餐後絕對幸福感UP，一餐過癮又滿足！
（圖片來源：Openrice）
觀塘放題推介：極尚大瀛喜日本料理｜詳情
- 地址：觀塘觀塘道414號1亞太中心5樓
- 營業時間：
- 星期一至五 12:00-15:00 / 17:30-23:00
- 星期六日 12:00-15:00 / 17:00-23:00
火鍋放題
觀塘放題推介｜1. 但馬屋
但馬屋主打日式一人一鍋放題體驗，特設自助配料區，方便客人根據自己喜好自由搭配各種新鮮野菜、丸類、烏冬、拉麵等，一路食一路mix出屬於自己獨特口味嘅火鍋。
（圖片來源：Openrice）
湯底選擇亦相當多元，店舖一般供應5款甚至更多湯底，無論鍾意清淡定重口味都可以揀岩。
醬汁區同樣講究，提供超過10款醬汁同調味料，無論想食原肉鮮味定創新mix sauce都實試到新驚喜。
每位客人都可以自選專屬湯底，夠晒衛生，味道都唔會互相影響。
（圖片來源：Openrice）
至於肉類質素，絕對係無肉不歡之選！但馬屋嚴選黑毛和牛、北海道豚肉及天然無添加嘅自然牛，肉味濃郁、油花分佈靚，入口嫩滑有點甘香，用嚟涮鍋更啖啖都令人口水直流。
整體體驗貼心又高質，啱晒一班火鍋迷聚會或獨自chill住嘆肉。
（圖片來源：Openrice）
觀塘放題推介：但馬屋｜詳情
- 地址：觀塘觀塘道418號創紀之城五期(apm)4樓22號舖
- 營業時間：星期一至日 12:00-22:30
觀塘放題推介｜2. 牛站(駅)麻辣火鍋放題
牛站(駅)麻辣火鍋放題主打任食高質肉類，最吸引一定係SRF美國特級肩胛肉眼，入口柔嫩多汁，完全滿足肉迷！
同場仲有廣島蠔、海蝦、沙白、帆立貝，連罕見嘅象拔蚌都可以無限任點，海鮮新鮮清甜，啱晒鍾意嘆海鮮嘅你。
（圖片來源：Openrice）
環境方面，餐廳空間大、座位安排夠闊落，私隱度高，啱晒假日或者下班後，一家人又或者同朋友聚會齊齊開爐。
（圖片來源：Openrice）
台式小食同甜品多樣化，有手工芋圓、豆腐花、泡芙、冬甩、牛乳奶凍等，款式每樣都細細份，方便味蕾轉換又唔怕滯。
（圖片來源：Openrice）
最開心一定係雪糕環節，超過20款雪糕，包括Haagen-Dazs品牌全部任食，打完邊爐再嚟甜品時刻，愈食愈開心！
呢度真係好適合想一次過試晒肉、海鮮、台式甜品嘅朋友，放假開爐一流！
（圖片來源：Openrice）
觀塘放題推介：牛站(駅)麻辣火鍋放題｜詳情
- 地址：觀塘道414號1亞太中心6樓
- 營業時間：星期一至日 12:00-16:00 / 17:00-23:00
觀塘放題推介｜3. 山戶屋
山戶屋係觀塘Eastcore新開嘅日式火鍋放題餐廳，主打一人一鍋設計，啱晒重視私人空間同火鍋迷嘅朋友。
每個客人都可以自由選擇自己最鍾意嘅湯底、肉類同配料配搭，唔使同枱友爭，食得夠自在！
（圖片來源：官方facebook）
餐廳提供美國牛肉眼、牛肩胛、牛肋脊、牛舌、黑毛豬、雞腿肉等多款高質肉類，牛肉厚切又牛味濃，好多食客都讚不絕口。
自助配料區有齊丸類、蔬菜、豆腐、金菇仔、粉絲、烏冬、香菇，全部任你加，仲有多款醬料自由調味，自己砌出心儀味道。
（圖片來源：官方facebook）
飲品方面有汽水、茶、咖啡任揀，雪糕專櫃更有MOVENPICK名牌雪糕任食，配埋特色荔枝烏龍特飲，食完最啱解膩。整個環境日系簡約，地方開揚又夠通風，坐得舒舒服服，啱晒約會、飯聚又或者自己chill住慢慢嘆。
店員服務親切有禮，落單又快又準，放題體驗輕鬆愉快！
如果你想歎高質日式火鍋放題，又想有慢慢享受，山戶屋絕對值得一嚐！
（圖片來源：官方facebook）
觀塘放題推介：山戶屋｜詳情
- 地址：觀塘觀塘道398號Eastcore1樓A室
- 營業時間：星期一至日 11:30-16:00 / 18:00-22:00
觀塘放題推介｜4. 泰金鍋
泰金鍋係觀塘區人氣新派泰式火鍋放題餐廳，最矚目嘅特色就係店內活蝦池，客人可以即場挑選新鮮活蝦或者鮑魚，親自撈上枱即煮，海鮮味道同新鮮度絕對有保證，令海鮮迷一試上癮！
（圖片來源：官方facebook）
放題價錢由$228起，兩小時內任點超過百款食材，晚市套餐分層次，最高級仲有A5和牛、美國極選牛小排、伊比利亞豬、澳洲羊等，肉類選擇非常豐富。
如果你想挑戰泰式火鍋湯底，青檸椰奶雞湯、冬蔭功、檸檬香茅湯夠晒香濃惹味，有層次又夠本地風情。
（圖片來源：官方facebook）
除咗火鍋海陸任食，泰金鍋仲有創新煲仔飯放題，蒲燒鰻魚玉子、泰式海南雞、泡菜牛肉芝士煲仔飯全部即叫即製，保證熱辣新鮮。
泰國特色小食例如炸蝦餅、榴槤炸彈、吉列生蠔、炸豬皮、宋卡炸蝦片等，傳統融合新潮，食完一輪真係好滿足。
（圖片來源：官方facebook）
甜品飲品同時任飲，有泰式奶茶、冰咖啡、雪梨水各類特飲，雪糕任食更可DIY泰茶口味，啱晒餐後解膩。
餐廳裝修新穎時尚，空間闊落，圍枱聚會氣氛熱鬧融洽，店員服務貼心，講解套餐細心體貼，無論家庭聚會或朋友慶祝都好合適！
（圖片來源：官方facebook）
觀塘放題推介：泰金鍋｜詳情
- 地址：觀塘觀塘道414號1亞太中心10樓
- 營業時間：
- 星期一至四、日 11:30-22:30
- 星期五至六： 11:30-23:00
觀塘放題推介｜5. 淥鼎記
淥鼎記係觀塘區一間深受歡迎嘅火鍋放題餐廳，以古典宮廷風格裝修，紅黑主色調配上雅緻細節，坐位寬敞舒適，無論成班朋友定家庭聚會都好啱。
卡位設計夠私隱，聚會氛圍一流。
（圖片來源：官方facebook）
餐廳放題套餐選擇多元，最受歡迎有「爵爺」頂級手切牛及海鮮放題，以及「鰲拜」生腌海鮮手切牛套餐，價錢由$378起，包你食到夠本。
每款套餐都包住前菜、日本直送刺身、六款主菜（椰子雞、重慶雞煲、藤椒烤魚等），再送上豪華海鮮拼盤，包括生蠔、鮑魚、扇貝、海蝦，新鮮又足料。
（圖片來源：官方facebook）
肉迷必試安格斯雪花牛、牛小排等高級牛肉，油花分佈靚，肉質嫩滑；火鍋配料超過40款，丸類、餃類、蔬菜、麵食全部無限任食，刺身拼盤有三文魚、北寄貝、赤蝦、帆立貝，材料新鮮有誠意。
（圖片來源：官方facebook）
飲品方面，涼茶、水果茶全部任飲，湯底選擇有八款，花膠美人鍋、川味麻辣湯、木瓜椰子雞湯等任你轉換味道，啱晒火鍋迷挑戰味蕾。服務方面，店員落單手快腳快，食物新鮮即叫即到。
整體氣氛高貴但不壓迫，有獨立包廂設計，私隱度夠，特別啱大家庭或大group聚餐，無論慶祝定聚舊都岩晒！
（圖片來源：官方facebook）
觀塘放題推介：淥鼎記｜詳情
- 地址：觀塘道414號1亞太中心8樓
- 營業時間：星期一至日 10:00-16:00 / 17:30-23:45
串燒放題
觀塘放題推介｜1. 串燒屋
「串燒屋」係觀塘區近年大熱嘅串燒放題餐廳，成班食肉獸、海鮮迷都話必試打卡！最大亮點係用自動旋轉燒烤爐，唔使自己碌串，肉食、海鮮燒得均勻又唔怕燒焦，仲冇晒煙味，成個用餐體驗比傳統燒烤舒服好多。
（圖片來源：官方facebook）
食材選擇極豐富，超過60款串燒任你揀，包括人氣安格斯牛、牛舌、羊架、蒜蓉烤蠔、海蝦、豚肉、三文魚腩、黑毛豬五花腩等，新鮮高質，燒出嚟啖啖肉香海味。
炸物區有泰式蝦餅、地瓜球、炸雞翼、春卷等，香脆又邪惡，健康派仲可以食蔬菜串、沙律、涼拌。
（圖片來源：官方facebook）
飲品甜品自助，雪糕、啫喱、汽水任飲，食完串燒再嚟甜點最過癮。環境方面，空間闊落唔迫，燈光溫暖啱晒成班friend、同事或屋企人聚會；自助區位置靈活，落單拎嘢食好方便。
店員服務親切，見到串燒熟咗會主動提示，服務感貼心。
（圖片來源：官方facebook）
價錢方面，平日最平$188起，絕對抵食；晚市或人多更享招牌扇貝、甲羅燒，假期週末稍貴但高CP值，啱晒多人聚餐或特別慶祝。
總括嚟講，「串燒屋」真係食材、氛圍、價錢兼備，想同班人book枱嚟chill食串，呢度一定唔會失望！
（圖片來源：官方facebook）
觀塘放題推介：串燒屋｜詳情
- 地址：觀塘通明街54號
- 營業時間：星期一至日 17:00-23:30
喺觀塘搵經濟又抵食嘅放題真係選擇多到花多眼亂！上面介紹嘅幾間放題餐廳，不論火鍋、燒肉或者日泰式美食，都有各自特色，價錢合理又有高質食材，啱晒一班朋友、家人或者想自己輕鬆歎美食嘅你。
除咗放題，觀塘仲有唔少其他餐廳提供限定優惠，想搵更多獨家著數、餐飲折扣，就可以去睇吓Klook嘅美食優惠專區，即刻搵到心水美食推介，幫你慳錢又食得開心！
如果你鍾意搵遍全港各區好食放題，都可以參考更多好評文章，齊齊探索18區最抵食放題！
1.【快閃優惠低至買一送一】15+最新美食優惠大集合！酒店自助餐/中秋月餅/燒肉火鍋放題
2. 8大日式燒肉/火鍋放題推介｜低至$298任食和牛海鮮～
3.【荃灣放題】快閃買一送一/8折優惠任食日式火鍋/燒肉放題！
4.【銅鑼灣放題推介】$168起任食A5和牛鮮燒，超高性價比！
發表迴響