榴槤控注意啦～夏天就係要癲咁食榴槤先叫過癮！
雖然唔係間間餐廳都有任食榴槤，但今次我哋幫你搵晒全港6間超人氣榴槤自助餐，有啲仲用到貓山王整甜品，夠哂香濃爆汁！
由榴槤芝士蛋糕、雪糕、泡芙、撻仔，到創意十足嘅榴槤班戟同拿破崙，甜品款款都咁吸引～
自己一個食又得，約埋朋友去掃場仲正！即刻睇吓邊間啱你口味，今個夏天嚟個榴槤放題之旅啦！
今次 BuffetJetso 小編就幫你整合6間人氣榴槤甜品放題餐廳，等你一次過就可以睇晒有用資訊！
榴槤自助餐：
- 香港柏寧酒店 – PLAYT
- Hotel ICON 唯港薈 – Silverbox
- Hotel ICON 唯港薈 – The Market
- 香港嘉里酒店 – 大灣咖啡廳
- The Mira – Yamm
- 九龍東皇冠假日酒店 – 尚廚
榴槤自助餐推介｜1. 香港柏寧酒店 – PLAYT
講到今個夏天必試嘅榴槤放題，柏寧酒店 PLAYT 嘅《仲夏夢幻榴槤自助餐》真係冇得輸，榴槤控一定要 bookmark！
由即日起去到8月尾，佢哋就搞咗個超認真嘅榴槤甜品企劃，誓要用榴槤寵壞你～
唔係淨係得貓山王咁簡單，仲有黑刺、D101 同 D24，款款都係榴槤界殿堂級選手！
成個放題分兩個階段玩唔同主題甜品，先係 6月23日至7月31日嘅《綿密系列》：有黑刺榴槤布甸、拿破崙、D101 榴槤泡芙、芝士蛋糕、迷你葡撻等等，全部都係入口即溶、香氣撲鼻，黑刺果陣食落真係無敵香濃！
8月1日至31日就輪到《奶香系列》登場，主角係貓山王同 D24～重點推介貓山王榴槤奶凍、奶滑版拿破崙，仲有清新 D101 芒果蛋卷，甜而不膩，岩哂鍾意濃郁又想有層次變化嘅你。
除咗甜品款多，PLAYT 仲好貼心咁安排唔同時段食唔同嘢：午市可以歎到榴槤泡芙、芝士蛋糕、雪糕；晚市就再豪啲，追加黑刺布甸、葡撻同拿破崙～款款都係主廚精心設計，造型靚到唔捨得食，味道仲要層次分明，香滑又唔膩！
如果你係嗰啲一聽到榴槤就心心眼嘅人，呢個 buffet 你一定唔可以錯過！快啲約齊朋友、男朋友、媽媽都好，搶位啦～
因為呢類榴槤放題年年都係爆滿級數，遲咗真係冇位！
榴槤自助餐｜香港柏寧酒店 – PLAYT自助餐詳情
榴槤自助餐推介｜2. Hotel ICON 唯港薈 – Silverbox
講到全港最浮誇、最豪氣嘅榴槤盛事，唯港薈一年一度嘅《馬來西亞榴槤節》一定榜上有名！等足一年，終於喺2025年夏天隆重回歸，由7月12日起，一連多場喺酒店一樓超氣派嘅 Silverbox 無柱宴會廳舉行，場面超震撼，榴槤迷一定要 mark 實！
成個活動最癲嘅位，就係每位食客都會攞到一份即開原個榴槤果肉拼盤，用刀一開，香氣已經衝出嚟～
入面仲唔係隨便幾瓣，而係勁罕見嘅五大馬來西亞頂級榴槤品種：
連馬拉都少見嘅尊貴品種皇室 D-Diraja！
香氣撲鼻、質地細滑嘅黑刺 D200
榴槤之王貓山王 D197
清甜香口、細粒啱啱好嘅小甜甜 D88
果香味濃郁嘅普王 D-Putera
一拼落肚，真係好似瞬間飛咗去馬來西亞咁爽！
不過唔止榴槤咁簡單，全場仲有近50款中馬熱食＋甜品＋海鮮任你食，由無限供應嘅冰鎮海鮮、刺身，到創意菜式如榴槤麥皮蝦、沙巴海龍皇榴槤多士，全場香氣四溢～
甜品區更加邪惡，超過十款榴槤甜品輪住上場，即席整嘅法式榴槤薄餅一定要試，外脆內香，加埋100%榴槤果蓉，食完想再嚟第二塊！
仲未完！每位仲會額外享用兩款頂級貴價菜式：貓山王榴槤釀蟹蓋 + XO 榴槤鮑魚雪耳燉乳鴿湯，個名都知幾霸氣，食落更係絕對值回票價！
整個活動會舉行 13場，涵蓋早午晚三個時段，7月12日打響頭炮，之後幾個週末一直到8月都有得揀～時間夠彈性，無論一家大細定成班榴槤友，都可以搵到啱自己嘅時段去放肆爆食！
想一次過試勻五大名種榴槤 + 任食海鮮 + 頂級馬來菜？
呢場榴槤節真係只此一家，錯過一年唔知幾時有！快啲訂位啦～
榴槤自助餐｜Hotel ICON 唯港薈 – Silverbox 詳情
榴槤自助餐推介｜3. Hotel ICON 唯港薈 – The Market
平時食開貓山王、黑刺都覺得夠勁？咁你真係要試吓唯港薈 The Market 今次推出嘅「火山榴槤」下午茶！
呢款來自印尼北部火山地區嘅珍稀榴槤，係全港首次登場，有齊火山泥土嘅天然香氣，入口細滑唔澀，甜中帶堅果焦糖味，層次感超豐富，保證你一試就停唔到口！
活動由即日起玩到9月7日，分兩個階段：
7月8日起就升級做放題模式，甜品任食之餘，每位仲送你四件原個火山榴槤果肉，夠晒誠意，真係畀你食到火山土壤孕育出嚟嘅獨特風味！
7月7日之前係優雅嘅三道菜下午茶，包括創意鹹點、精緻甜品拼盤再加一款主題甜湯，啱晒想慢慢歎、影靚相打卡嘅你。
最驚喜係佢哋仲推出咗一款「椰香花膠湯底榴槤海鮮鍋」，將榴槤由甜品界打入火鍋界～甜中帶鮮，仲有花膠提升滋味層次，完全突破你對榴槤嘅想像！
如果你自問係榴槤進階班玩家，今次 The Market 呢個火山榴槤企劃真係要排入必食清單～
又有新鮮感，又有得打卡，味道仲要層次爆燈，錯過咗就真係冇得翻炒！
榴槤自助餐｜Hotel ICON 唯港薈 – The Market 詳情
榴槤自助餐推介｜4. 香港嘉里酒店 – 大灣咖啡廳
鍾意榴槤但又唔想淨係食甜品？咁你一定要試下香港嘉里酒店大灣咖啡廳每年夏天都會返嚟嘅重頭戲 —《盛夏榴槤狂熱》自助晚餐！
由7月4日起限時登場，今次唔止係甜品放題咁簡單，餐廳直接玩大件事，將榴槤融入多國菜式入面，將「榴槤入饌」玩到極致～真係食完會心諗：「哇，原來榴槤可以咁樣玩！」
前菜已經好有驚喜：
泰式榴槤青芒蟹肉沙律，將榴槤果肉、青芒加埋蟹肉混埋一齊，酸酸甜甜又清爽，食完即刻開胃。
主菜更加精彩：
仲有慢烤肋條配榴槤燒烤醬，鹹甜交錯，果香撲鼻，食落即刻升呢！
必試嘅有榴槤咖喱海鮮煲，榴槤果蓉加落香濃咖喱湯底，煮入大蝦、青口，啖啖濃郁香甜＋少少辣，勁惹味；
甜品方面當然唔輸蝕！現場每日輪住供應7款以上榴槤甜品，好似：
榴槤炸鮮奶（外脆內爆漿）
榴槤酥餅、榴槤泡芙、榴槤布甸
焦糖燉蛋、西米椰汁糯米飯配榴槤醬…
甜品控食到真係會瘋狂！
最貼心位係——每位食客仲會獲贈一份「榴槤嚐味拼盤」，平日有三款、週末同假期多達四款原個榴槤果肉任試，品種每日輪換：
亦有罕見嘅D13金包、D175紅蝦、D163葫蘆～果肉厚、味濃滑，每款都係榴槤控夢寐以求！
有大家最熟悉嘅貓山王、D24蘇丹王、D101紅肉，
除咗榴槤，現場嘅 buffet 區都唔馬虎：刺身、火炙壽司、冰鎮海鮮（週末仲有任食龍蝦！）、即切西冷牛扒、印度咖喱通通有，食完鹹再轉甜，完美！
星期五至日＋假期更加任飲指定紅白酒、啤酒、汽水同果汁，一邊食一邊傾，啱晒成班朋友夏日聚會！
榴槤自助餐｜香港嘉里酒店 – 大灣咖啡廳 詳情
榴槤自助餐推介｜5. The Mira – Yamm
榴槤迷又有新 weekend 去處喇！The Mira 酒店入面嘅 Yamm 餐廳，喺 2025 年 7 月 19 日開始，逢星期六、日推出全新夏日限定「榴槤忘返」下午茶自助餐，專為一班愛榴槤愛到入哂心嘅人而設。
雖然呢個唔係果肉任食型放題，但勝在甜品款款都夠精緻、質素夠高，重點係全場甜品都用上香滑濃郁嘅馬來西亞榴槤製作，果香天然、味道醇厚，入口香濃得嚟唔膩，真係會食到你「榴槤」忘返。
甜品方面，最吸睛一定係嗰件層次豐富嘅榴槤千層蛋糕，層層榴槤醬夾住幼滑薄 crêpe，入口即溶，啖啖都係幸福嘅感覺。
榴槤奶油泡芙同樣不得了，外層酥酥脆脆，咬開入面係香甜滑順嘅榴槤奶油餡，食落滿口 D24 榴槤香，簡直係迷到暈。
而 D24 榴槤糯米糍就更正，糯米皮煙韌有咬口，入面包住金黃榴槤果蓉，食到尾仲留住陣陣香味，齒頰留香，真係邪惡到極。
餐廳環境一向舒適，位置又夠方便，今個暑假嘅週末就揀一日嚟 Yamm 嘆個 chill chill 嘅榴槤 tea，一邊歎甜品一邊同朋友、另一半傾下計，寫意又滿足。
不過記住要早啲訂位，始終係週末限定，遲咗好可能就要撲飛喇！
榴槤自助餐｜The Mira – Yamm 詳情
榴槤自助餐推介｜6. 九龍東皇冠假日酒店 – 尚廚
如果你係榴槤控，又想一次過歎盡泰國同馬來西亞嘅地道滋味，咁真係要去試下九龍東皇冠假日酒店尚廚推出嘅《榴槤忘返》東南亞主題下午茶自助餐！
呢個限時下午茶由6月至7月期間限定登場，雖然叫做「下午茶」，但選擇一啲都唔「hea」，由熱食到冷盤、中西 fusion 到地道亞洲菜，應有盡有，CP值爆燈！
熱食方面驚喜連連，冬蔭功大蝦意粉真係又香又辣，酸辣湯底配上彈牙意粉，居然出奇地夾；泰式班蘭雞香氣撲鼻，雞肉嫩滑多汁，外皮仲微微脆口～
至於最出奇嗰道，一定係榴槤芝士薄餅，鹹香芝士混合榴槤果香，食落竟然意外咁平衡，真係創意又唔造作；
再加埋正宗馬拉風味嘅肉骨茶檔，暖笠笠、藥材味濃，勁有風味！
冷盤同中式小食都唔輸蝕，有象拔蚌刺身、煙三文魚、凍肉芝士拼盤、水耕菜沙律吧、點心小籠包等等，鐘意歎 chill 嘢嘅你一樣有口福。
甜品梗係全場焦點啦～多款即製榴槤甜品任你揀，包括香濃嘅榴槤雪糕、酥香榴槤芝士撻、榴槤酥條、榴槤忌廉泡芙、榴槤班戟…用料十足，香味天然無添加，甜而不膩，好食到想打包走！
甜品區仲有椰糖珍多冰、朱古力噴泉、仲有成八款 Haagen-Dazs 雪糕輪住你食～唔止啱大人，小朋友見到都即刻興奮到跳起！
飲品方面都有即磨咖啡、檸檬水、紅茶等任你 refuel，配住食，一個夏日嘅悠閒下午就咁過咗～
總結一句，尚廚今次嘅東南亞主題下午茶真係誠意滿滿，無論同朋友聚會、家庭週末放鬆、定情侶打卡都一樣滿分享受，食得開心、影得靚，真係「榴槤」忘返！
榴槤自助餐｜九龍東皇冠假日酒店 – 尚廚 詳情
無論你係鍾意食原個榴槤果肉、迷上創意甜品，定係想挑戰下鹹甜混合嘅 fusion 料理，今年香港啲榴槤主題自助餐真係多到目不暇給！
每一間都有自己嘅風格同賣點，認真又有誠意，無論你係入門級定進階榴槤控，都一定搵到啱自己口味嘅選擇。
由唯港薈嘅【馬來西亞榴槤節】霸氣登場，到柏寧酒店主打貓山王甜品放題；嘉里酒店就最玩得，用榴槤整鹹食創意料理；
The Market 仲首次帶嚟印尼火山榴槤下午茶，口感獨特；連 weekend 都有咁多選擇，Yamm 同尚廚就為你安排咗 Chill 住歎嘅夏日榴槤 tea～
真心講，一個暑假唔夠食晒咁多場！
如果你都係榴槤迷，呢段時間就真係唔可以錯過呢啲期間限定嘅味覺盛宴。
好多人都係一早預訂搶位，特別係週末場，一眨眼就 full 曬，記得快啲揀定心水、提早 book 定位～
約埋你班朋友、屋企人、另一半，一齊開展一場專屬你哋嘅「榴槤放題之旅」，食住笑、笑住食，開心過晒個暑假！
BuffetJetso 致力為你搜尋最優惠嘅自助餐，唔想錯過嘅，就記住book mark定呢個網站啦！
發表迴響