眾所周知觀塘美食多，想搵觀塘自助餐嘅話睇 BuffetJetso 小編介紹就啱啦！
以下6間觀塘自助餐各有特色，仲有低至75折優惠！歎新鮮冰鎮海鮮、任食甜品嘅抵食觀塘自助餐，還有高質和牛放題！事不宜遲，即刻睇睇有邊啲好介紹啦～
提提你，餐廳menu會按季節或者食材供應去做調整，所以想睇最新嘅餐單同優惠，記得去文中連結睇清楚先啦～
觀塘自助餐推介：
- 觀塘九龍東如心酒店 – I-O-N
- Parallel 觀塘
- Corner 90
- 但馬屋 觀塘
- 燒肉の牛太・本陣
- 極尚大瀛喜日本料理
其他九龍區自助餐推介：
觀塘自助餐｜1. 觀塘九龍東如心酒店 – I-O-N 觀塘
觀塘九龍東如心酒店嘅I-O-N主打半自助餐，設有半自助午餐及晚餐，優惠低至75折！
半自助餐包括一款主菜及沙律、甜品任食，晚餐時段嘅任食選擇仲有冰鎮海鮮、雜錦刺身、湯及麵包！
主菜選擇超過10款，夠晒多元化，包括「烤美國1855黑安格斯牛胸腹配港式蔥油」、「香煎斧頭豬扒配港式豬扒汁」、「港式咖喱燴羊膝」等。
想食清啲/素食嘅話都無問題，「中式蒸比目魚」、「黑松露油雜菌義大利粉」係人氣之選。
至於自助區就更加唔可以忽略，新鮮冰鎮海鮮、沙律、芝士、各款熱湯樣樣齊，想中式、西式定混搭都得。麵包籃入面啲包又香又鬆，沾啲湯嚟食一流。
去到日式角落仲有驚喜，冷麵、壽司、刺身全部即叫即整，新鮮度有保證，食起上嚟真係有返餐廳水準。
食完主菜同海鮮，當然唔少得甜品收尾。甜品區款式多到眼花撩亂，蛋糕、生果、慕絲樣樣齊全，滿足晒甜品控嘅心。
觀塘自助餐｜觀塘九龍東如心酒店 – I-O-N 觀塘
觀塘自助餐｜2. Parallel 觀塘
位於觀塘亞太中心內嘅Parallel，係一間由前酒店廚師主理嘅西餐廳，供應半自助午餐及晚餐。店內以灰色為主調，裝潢簡約時尚，氣氛放鬆舒適。
（圖片來源：Parallel_Fusion ）
半自助餐嘅自助區提供多款前菜及冷盤任食，包括凍蝦、青口、螺等凍海鮮、各式沙律、煙三文魚等。
（圖片來源：Parallel_Fusion ）
主菜則有10款選擇，包括香煎澳洲鱸魚、黑松露手工意粉、澳洲肉眼扒、加拿大豬鞍架等，款式不少。
大家可以趁假日與家人摯愛到這裡吃頓大餐，犒賞平日辛勞嘅自己！
（圖片來源：Parallel_Fusion ）
觀塘自助餐｜觀塘智選假日酒店 – Parallel 觀塘
觀塘除左自助餐，仲有好多放題餐廳選擇，即刻睇睇有咩揀啦！
觀塘自助餐｜3. Corner 90
Corner 90呢間餐廳真係觀塘自助餐新貴！主打印度菜，不過融合咗西餐元素，食物選擇真係好豐富。
（圖片來源：Corner90）
由冷盤、沙律、到各種炸物、咖哩熱葷應有盡有，正宗印度香料味之外，仲有煙三文魚、巴馬火腿等西餐冷盤。
（圖片來源：Corner90）
最正係佢啲咖哩系列——Cinnamon Chicken Curry、Lamb Rogan Josh同Paneer Lababdar芝士咖哩都好惹味，再加一份印度香飯Rice Biryani就夠晒地道。
印度小食好受歡迎，例如Paneer Tikka、Aloo Rajma Tikki，口感層次豐富，食完只想再encore！
（圖片來源：Corner90）
場地寬敞舒服，木傢俬同落地玻璃，環境溫暖又唔逼人，啱晒同朋友、同事慢慢歎野傾計。
甜品方面，Brownie、Barfi、忌廉蛋糕、糖不甩西米露等甜而不膩，任你歎到盡。
（圖片來源：Corner90）
最抵就係Lunch Buffet每位百五蚊左右，星期六日自助早午餐都唔使二百蚊，飲品仲包晒。
各位印度菜fans，Corner 90肯定係你嘅Must-try，性價比勁高，服務又友善，想感受異國風味，一於Bookmark定慢慢歎啦！
（圖片來源：Corner90）
觀塘自助餐｜Corner 90
- 地址：觀塘鴻圖道90號地舖（地圖）
- 營業時間：12:00-15:00，17:30-23:00
- 如何前往：觀塘站 B2 出口, 步行約9分鐘
觀塘自助餐｜4. 但馬屋 一人涮涮鍋
但馬屋位於觀塘APM內，係新派嘅日式火鍋店，主打一人涮涮鍋放題。店內以淺木色裝潢，環境明亮舒適。
火鍋放題為90分鐘，提供多款特色湯底可選，包括壽喜燒、千夜鍋、甘露鍋、藥膳麻辣鍋、美肌鍋等。
一人一鍋嘅好處就係可以自由選擇自己鍾意嘅湯底口味，無需遷就他人！
放題用料優質講究，有日本黑毛和牛、北海道夢之大地豚等高級肉類。店內設有自助區，提供多款配料、新鮮蔬菜及醬料任選，仲有各款雪糕甜品可以無限享用！
觀塘自助餐｜但馬屋 一人涮涮鍋
當然，一班人除左食自助餐外，仲可以考慮去 BBQ Party Room 玩！
觀塘自助餐｜5. 燒肉の牛太・本陣
呢間來自日本嘅過江龍燒肉店，唔單止主打放題咁簡單，而係好認真咁做緊一場正宗YAKINIKU體驗。
由切肉、火喉、擺盤到蘸醬，全部都係跟足日式風格，等你唔洗飛日本都感受到地道滋味。
（圖片來源：本陣Facebook）
一入到去你就知佢哋幾認真——每塊肉都係由專業切肉師傅親手處理，厚薄分明，切法講究。配埋唔同風味嘅蘸醬，加埋爐火一燒，嗰陣肉香真係撲鼻而嚟，未食已經流晒口水。
燒起嚟嘅每一啖肉都夠晒多汁，咬落唔乾唔柴，香得嚟又唔會膩口。呢種肉汁同油脂交織嘅口感，真係講得出係日本燒肉先有嘅層次感。
（圖片來源：Openrice）
而本陣提供嘅肉類選擇都唔馬虎，黑毛和牛、西冷扒、牛肋肉、牛脊肉、封門柳⋯⋯樣樣都有得揀。
尤其係日本黑毛和牛，油花靚得嚟唔過火，食落口感滑溜，入口即溶果種感覺，真係食過返唔到轉頭，啱晒鐘意慢慢燒、慢慢歎嘅識食之人。
（圖片來源：本陣Facebook）
觀塘自助餐｜燒肉の牛太・本陣
觀塘自助餐｜6. 極尚大瀛喜日本料理
想食到又多又新鮮嘅刺身？嚟呢間高質放題店就啱晒。刺身款式多到你眼都花，重點係全部都係新鮮現切，你可以望住師傅即叫即切，刀功俐落，睇得開心，食得仲安心。
吞拿魚夠晒香滑、三文魚油潤厚切、紋甲墨魚拼白蝦煙韌彈牙，仲有肉質豐富嘅松葉蟹腳同磯煮凍鮑魚，款款都係任食，真係可以食到唔想停。加埋松露柚子醋一齊食，個鮮味即刻升級，啱晒鍾意精緻風味嘅你。
（圖片來源：Openrice）
除咗冷盤吸引，飲品區都唔輸蝕。成個自助飲品區有超過20款選擇，汽水、果汁、冷泡茶樣樣齊。食完燒肉、炸物想飲返啲清爽嘢解膩，行過去自己攞就得。
如果你係鍾意飲酒果類，仲有清酒、梅酒同啤酒任你添，邊燒肉邊啤酒，嗰種爽快感，真係自己嚟試先明。
（圖片來源：Openrice）
熱食同炸物都係一大驚喜，唔好以為得冷盤先有睇頭。特別推介佢哋嘅金蒜蓉粉絲蒸、珍寶鮮蠔燒同金枕頭燒榴槤——夠香、夠創新，啱晒鍾意試新嘢嘅你。熱食全部都係即叫即整，熱辣辣上枱，啖啖都食得出有心機。
（圖片來源：Openrice）
去到尾聲點可以冇甜品？所謂「甜品胃另計」係真嘅！佢哋有原個椰皇製作嘅3.6牛乳燕窩燉蛋白，滑到不得了，奶香＋椰香，好滿足。
仲有Häagen-Dazs雪糕任你食，朱古力、雲呢拿、士多啤梨任揀；其他甜品例如蛋糕、慕絲都係細杯裝，一啖一個，咁就可以每款都試勻，唔怕錯過任何一款心水。
（圖片來源：Openrice）
觀塘自助餐｜極尚大瀛喜日本料理
- 最新價錢及預訂優惠：按此查看
- 地址：觀塘觀塘道414號1亞太中心5樓（地圖）
- 營業時間：
- 星期一至五 12:00-15:00 / 17:30-23:00
- 星期六日 12:00-15:00 / 17:00-23:00
Buffet JetSo 3個自助餐優惠攻略
睇完以上觀塘自助餐優惠推介後，記得睇埋以下3個小貼士，幫你訂得更平更抵！
1. 進入 Klook 餐飲每月抵 Deal 推介 頁面，一次查看所有最新自助餐快閃優惠（或按以下連結）
2. 記得用額外優惠
通常上面個頁面都會有最新優惠碼，不論是信用卡還是非信用卡皆有。訂觀塘自助餐時記得一併使用優惠碼，就能享折上折，節省更多！
3. 留意快閃優惠
每個星期通常有2-3間酒店會出快閃買一送一 / 買二送二等優惠。通常小編會留意以下頁面：
以上為大家介紹了6間觀塘自助餐，下次想在觀塘找美食自助餐廳時，就不用再無從着手啦！
另外，如果想查看更多觀塘自助餐或美食優惠推介，亦可以到網站平台上探索更多！